Instrucións para a instalación de OpenOffice 2.3.0 en galego para GNU/Linux - Instalación baseada en RPM

Requirimentos:
* Linux Kernel 2.2.13 ou superior.
* XServer (resolución mínima 800x600 e 256 cores) con administrador de ventás (p.ex. GNOME). 
* PC con procesador Pentium ou compatible. 
* 128 MB de memoria RAM. 
* 200 MB de espazo en disco
* Instalación de glibc2 en versión 2.2.0 ou superior.

Instalación baseada en RPM:

1.- Antes de nada debería desinstalar o OpenOffice.org que teña instalado no seu computador, tanto sexa o de mancomun.org como o da súa distribución de GNU/Linux.

1.- Descarge o ficheiro que se corresponda coa súa arquitectura (X86 para 32 bits e X86-64 para 64 bits) e descomprimao nun directorio. Neste exemplo o comando descomprime no directorio actual: 

	Para 32 bits:	tar xvzf OOo_2.3.0_Linux_gl_rpm.tar.gz
	Para 64 bits:	tar xvzf OOo_2.3.0_LinuxX86-64_install_gl_rpm.tar.gz

Se é preciso teclee 'su' para ter privilexios de administrador (root).

2.- Teclee cd co nome do directorio onde estean descomprimidos os ficheiros de instalación de OpenOffice.org.

3.- Para instalar deberá teclear o seguinte:
		
		rpm-Uvih *.rpm

para instalar o OpenOffice.org en galego.

4.- Dentro da carpeta onde están descomprimidos os ficheiros de instalación do OpenOffice.org tamén hai unha carpeta que se chama "desktop-integration" e que contén os arquivos para integrar a instalación do OpenOffice.org co seu sistema GNU/Linux. Entre na carpeta e execute a instalación do paquete que se corresponda co seu sistema operativo GNU/Linux.

Por exemplo: 
	-se vostede ten Suse:  rpm -Uvih openoffice.org-suse-menus-2.3-9215.noarch.rpm
	-se vostede ten RedHat: rpm -Uvih openoffice.org-redhat-menus-2.3-9215.noarch.rpm